السلام عليكم ورحمة الله وبركاته
كيفكم بنااات
ماراح اطول عليكم هذي طريقة دونات كتبتها اختي من وحده بشريط بدايه الله يجزاها خير وجربناها وبالفعل مررررا رووعه وصارت معتمده عندنا لان بصراحه تعبنا من كثر ما ندور بالنت عن عجينة دونات تكون طريه
هذي المقادير و الطريقه وامشوا عليها بالضبط مو تغيرون بالمقادير وتقولون ماضبطت <<<< كانها عصبت
وان شاء الله يارب تعجبكم وتدعون لي ولأختي ولصاحبة الوصفه
_-_-_-_-_-_-_-_-_-_-_-_-_-_-_-
المقادير والطريقه
بطاطس متوسطة الحجم تسلق ثم تقطع صغار ثم توضع في الخلاط مع بيضتين
بعد ماتنخلط اضيفي لها وهي في الخلاط:
6ملاعق حليب بودره
ذرة ملح
رشة فانليا
ملعقه كبيره خميره
ملعقه كبيره بكنج بودر
بيالة ماء
بيالة زيت
نص بيالة سكر مطحون أو خشن مافي اشكال
وترجعين تشغلين الخلاط مره ثانيه حتى تنخلط زين
ثم بعدها تحطينها في آناء وتعجنينها بكوبين دقيق تضيفينهم بالتدريج ثم تترك تخمر لمدة 45 دقيقه بعد كذا تشكلينها بشكل الدونات المعروف ثم تتركينها ترتاح حتى تحسين انها انتفخت شوي ثم تحمين الزيت وتبدأين بالغلي وقصري النار مرررررا وانتي تغلين عشان ماتتحمر بسرعه وهي مانضجت .
ورشي عليها سكر او صوص الشوكولاته
ملاحظة مهمه مهمه مهمه:
* لما تفردين العجينه لاتخلينها رقيقه لا خليها سميكه عشان ماتصير قاسيه بعد القلي
اتمنى يعجبكم ملتوووووووش لعيونكم الحلوه
السبت مايو 21, 2011 1:34 pm من طرف 
